http://omalnoor.news.mam9.com/
أهلا بزوار وأعضاء منتدى أولاد ام النورللأخبار


منتدى دينى مسيحى اخبارى
 
الرئيسيةالبوابةاليوميةس .و .جبحـثالأعضاءالتسجيلدخول

شاطر | 
 

 .. ارجعى يابنتى حتى لو مغتصبة ومتخافيش

اذهب الى الأسفل 
كاتب الموضوعرسالة
Admin
المدير العام
avatar

عدد المساهمات : 6518
نقاط : 9829
تاريخ التسجيل : 16/11/2010
العمر : 60

مُساهمةموضوع: .. ارجعى يابنتى حتى لو مغتصبة ومتخافيش   الجمعة مايو 27, 2011 11:45 pm







.. ارجعى يابنتى حتى لو مغتصبة ومتخافيش







طبعا عنوان صادم لكم
لكن الموضوع هو ده وقته
خلال هذا الاسبوع فرض هذا الموضوع نفسه
مرتين علىّ
وادركت انها رسالة
ربنا بعتهالى
ابلغها
لكل بناتى واخواتى
وقلوبنا تعتصر الم
نتمنى من كل قلوبنا
الا تتعرض اى واحدة من بناتنا او اخواتنا السيدات
لهذا الموقف الصعب جدا
على النفس والأهل
لكن عدو الخير
يجول يريد افتراس اخواتنا وبناتنا

----

الأيام دى كتر الكلام فى الموضوع ده
وقريت اكتر من مقالة
بتتكلم
عن الحرب النفسية
التى يدبرها ابليس وجنوده
ضد بنات الملك
لكسر نفسهم ونفس اهاليهم ونفس كنيستهم
وينسج خيوط من الرعب والخوف والتهديد والوعيد
على الضحية
حتى لاتعود مرة اخرى
وتستسلم لقدرها

---

لكن صوت ربنا
كما قلت
مرتين
دق جرس الانذار امامى

وكان لازم
نكلمكم
علشان
الكل يحترس

بكل اسف
الخطر دلوقتى
حوالين كل بناتنا
والمصيبة كمان سيداتنا

---

فى جلسة ودية خلال الاسبوع اللى فات
جمعتنى واحدى الخادمات
بجوار احدى الكنائس
وبعض من بناتنا صغيرات السن
كلهم فى الثانوية العامة
وكنا ننبه البنات
من الصداقات مع البنات التانية
ونحذرهم
فوجئت باحدى البنات
عمرها 17 سنة
بتقولى
عارف ياعمو ماما بتقولى ايه
قلت
ايه
قالت
بتقولى لو حصل فى يوم يا ......
وحد خطفك واغتصبك
وحاول يخوفك بينا
وقالك بابا هيقتلك ولا انت كدا جبت لهم العار
حتى لو هددك انه مصورك فيديو
كل ده علشان تسلمى
اوع تخافى
ارجعى ومتخافيش
احنا عارفين انه غصب عنك
وانك ضحية
وهنعرف نتصرف

...
الى الحد ده صار رعبنا اباء وامهات على بناتنا
الى الحد ده صار خوف الامهات على بناتهم
الى الحد ده صارت بناتنا مرعوبة

...
قالت لى ابنتى هذه
ياعمو انا بخاف انزل الشارع
بخاف من صحباتى البنات
وانا فى الدروس
بخاف حد يكلمنى
غير تليفونات ماما كل شوية
انت فين
تعالى بسرعة
من اول مابنزل لغاية مابرجع

انا خايفة ياعمو
اعمل ايه




قلت لها مداعبا وانا قلبى بيتحرق
متخافيش

من طول مافى صدرك ده

واشرت الى الصليب اللى فى الساسلة

اوع تخاف

بس ماما وبابا عندهم حق يخافوا عليك

...

طبعا هى ماتعرفشى انى انا شخصيا بعمل مع بنتى اكتر من كدا انا وامها
وميهداش لينا بال الا لما نشوفها قدامنا تان فى البيت

---

يوم الاربع اللى فات
معاد اجتماع الراعى الصالح
بكنيسة مار مرقص كليوباترا مصر الجديدة
ودا الاجتماع اللى بيحرص كل شباب وشابات القاهرة
على حضورة
لأن راعى الاجتماع ابونا بولس جورج
وطبعا كلكم تعرفوا مين ابونا بولس جورج
---


فى اجاباته على الاسئلة
جاؤه سؤال


من احدى البنات

يابونا هو انا لو انتحرت لو حد حاول يغتصبنى
حرام ولا ابقى شهيدة
ولو اتعرض للموقف ده اعمل ايه


---
هذا هو الهاجس المسيطر على بناتنا الأيام دى
بقيت حكاية مرعبة
مش بس للأهل وخوفهم على بناتهم
لا البنات كمان
بقيت مرعوبة
---
قدس ابونا بولس اهتم جدا بالسؤال ده

قال

يابنتى القتل فى المسيحية ممنوع لأى سبب

انا عارف انك هتقوليلى طيب اعمل ايه

ماينفعش يابنتى اقولك اقتلى نفسك وانت ضحية مجنى عليك

بس فى الحقيقة عاوز اوضح لكم نقط مهمة جدا فى الموضوع ده

انت لما اتعمدت مات جسدك القديم فى المعمودية
وصرت جسد جديد فى المسيح
يعنى جسدك صار جسد المسيح

فلما ييجى واحد يعتدى عليك ويغتصبك
ويفكر انه اهانك

لا دا مش اهانك انت دا اهان جسد المسيح
وعذابك والامك هى عذاب والام للمسيح

وانت علشان مسيحية هو عمل فيك كدا
واستحقيت انك تهانى من اجل المسيح

وفى الحقيقة دا يعتبر اكليل فخر ليك
يستوجب الشجاعة والفخر
مش الموت والعار

انت تعتبرى شاركت المسيح فى الامه بجسدك اللى هو اعطاه ليك فى المعمودية
زيك زى اى شهيدة اتعذبت بالالام من اجل المسيح

المهم ان عدو الخير مايضحكش عليك
ولا يهددك
ارجعى يابنتى حتى لو مغتصبة ومتخافيش
لأن اهلك وكنيستك
عارفين
ان ده غصب عنك

العار الحقيقى

انك تضعفى وتخافى وتستسلمى وتبيعى المسيح

---

كان صوت ابونا بولس يجلجل فى ارجاء الكنيسة
وصوته يعلو موجها كلامه الى بناته

والكنيسة كلها فى صمت رهيب

وكانت الأم اللى اوصت بنتها
صوتها قابعا فى اعماق البنت

---

ياترى

الى هذا الحد

وصل رعبنا ورعب بناتنا

بجد انا حزين

ربنا يحمى كل بناتنا

وكل سيداتنا



خلوا بالكم يابنات

ربنا مايوريها لحد ابدا يارب

هذا المرار وهذا العذاب

بس يابنتى



لو بعد الشر

حصل هذا الشر

ارجعى يابنتى ومتخافيش

لأن ابوك وامك وكنيستك

عارفين

انه مش بارادتك



اوع تبيع المسيح

لأن هو دا هدف عدو الخير الأول



ربنا يحميكم ويحافظ عليكم

الرجوع الى أعلى الصفحة اذهب الى الأسفل
http://news.ahlamuntada.com
مسعد خليل




عدد المساهمات : 6
نقاط : 6
تاريخ التسجيل : 17/03/2011
العمر : 58

مُساهمةموضوع: رد: .. ارجعى يابنتى حتى لو مغتصبة ومتخافيش   السبت مايو 28, 2011 12:13 am

استرها على بناتنا يارب الارباب وملك الملوك حافظ على بناتك
الرجوع الى أعلى الصفحة اذهب الى الأسفل
دودو دود




عدد المساهمات : 2
نقاط : 7
تاريخ التسجيل : 28/11/2010

مُساهمةموضوع: رد: .. ارجعى يابنتى حتى لو مغتصبة ومتخافيش   الجمعة يونيو 24, 2011 3:59 am

انت تعتبرى شاركت المسيح فى الامه بجسدك اللى هو اعطاه ليك فى المعمودية
زيك زى اى شهيدة اتعذبت بالالام من اجل المسيح
الرجوع الى أعلى الصفحة اذهب الى الأسفل
 
.. ارجعى يابنتى حتى لو مغتصبة ومتخافيش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
http://omalnoor.news.mam9.com/ :: الفئة الأولى :: أخبار المنتدى :: عدى زمن السكوت ضد مخالب الأرضيات-
انتقل الى: